Connect with us
ମା ଦୁର୍ଗା ବରମୁଣ୍ଡା ପୂଜା ମଣ୍ଡପରେ ….
ମା ଦୁର୍ଗା ପୁନାମା ଗେଟ ପୂଜା ମଣ୍ଡପରେ ….
ରାଧା କୃଷ୍ଣ ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ଯମେଶ୍ୱର ପାଟଣା, ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ବଢେଇବାଙ୍କ ପୁରୁଣା ଭୁବନେଶ୍ୱର ପୂଜା ମଣ୍ଡପରେ …

ଅପରାଧ

ସ୍ପଷ୍ଟ ଦିବା ଲୋକରେ ଫୁଟିଲା ଗୁଳି – ଯୁବ ବିଜେଡି ନଗର ସଭାପତିଙ୍କ ଗୁଳିମାଡରେ ବାପ ପୁଅ ଗୁରୁତର

ସାଙ୍କେତିକ ଚିତ୍ର

ସ୍ପଷ୍ଟ ଦିବା ଲୋକରେ ଫୁଟିଲା ଗୁଳି
ଯୁବ ବିଜେଡି ନଗର ସଭାପତିଙ୍କ ଗୁଳିମାଡରେ ବାପ ପୁଅ ଗୁରୁତର
ଘଟଣାସ୍ଥଳରୁ ୨ ଜୀବନ୍ତ ଗୁଳି, ପିସ୍ତଲ ଜବତ, ଦୋକାନ ବଜାର ବନ୍ଦ
ଜୟପୁର,୨୫ା୯ : ଜୟପୁର ସହରର ଜନଗହଳିପୂର୍ଣ୍ଣ ସ୍ଥାନ ରଜାନହର ଛକ ଠାରେ ଆଜି ଗୁଳି ଫୁଟିଛି । ଜୟପୁର ଟାଉନ ଯୁବ ବିଜେଡି ସଭାପତି ବିକାଶ ପାତ୍ରଙ୍କ ଗୁଳିମାଡରେ ସନ୍ତୋଷ ନାୟକ(୨୬) ଗୁରୁତର ହୋଇଥିବା ବେଳେ ତାଙ୍କର ଅନ୍ୟ କେତେକଙ୍କ ସହଯୋଗୀଙ୍କ ଆକ୍ରମଣରେ ସନ୍ତୋଷଙ୍କ ବାପା ନରେନ୍ଦ୍ର ନାୟକ ମଧ୍ୟ ଗୁରୁତର ହୋଇଛନ୍ତି । ଘଟଣା ପରେ ଅଭିଯୁକ୍ତମାନେ ସେଠାରୁ ଫେରାର୍ ହୋଇଯାଇଛନ୍ତି ।

ସୂଚନା ଅନୁଯାୟୀ, ଆଜି ଅପରାହ୍ନ ପ୍ରାୟ ସାଢ଼େ ଗୋଟାଏ ସମୟରେ ନରେନ୍ଦ୍ର ପୁଅ ସନ୍ତୋଷ ସହିତ ଏକ ବାଇକ୍ ଯୋଗେ କୌଣସି କାମରେ ଯାଉଥିବା ବେଳେ ୮ ଜଣ ଦୁର୍ବୃତ ରଜାନଅର ନିକଟରେ ସେମାନଙ୍କ ଉପରକୁ ଅତର୍କିତ ଭାବେ ଗୁଳିଚାଳନା କରିଥିଲେ । ଏହି ଆକ୍ରମଣରେ ସନ୍ତୋଷର ପିଠିରେ ଗୁଳି ବାଜିଥିବା ବେଳେ ବାପା ନରେନ୍ଦ୍ର ଦୁର୍ବୃତଙ୍କ ପଥର ମାଡରେ ଗୁରୁତର ହୋଇଥିଲେ । ଘଟଣା ଘଟାଇ ଅଭିଯୁକ୍ତମାନେ ସେଠାରୁ ଫେରାର୍ ହୋଇଯାଇଛନ୍ତି । ଘଟଣାସ୍ଥଳରୁ ପୋଲିସ ୨ଟି ଜୀବନ୍ତ ଗୁଳି , ପିସ୍ତଲ, ବାଇକ୍ ଜବତ କରିଛି । ଘଟଣାକୁ ନେଇ ସ୍ଥାନୀୟ ଅଂଚଳରେ ଭୟ ଓ ଆତଙ୍କର ବାତାବରଣ ଖେଳିଯାଇଥିଲା । ସ୍ଥାନୀୟ ଲୋକ ମାନେ ଦୋକାନ ବଜାର ବନ୍ଦ କରିଦେଇଥିଲେ ।

ପ୍ରକାଶ ଥାଉ କି, ଗତକାଲି ଜୟପୁର ଟାଉନ ଯୁବ ବିଜେଡି ସଭାପତି ବିକାଶ ପାତ୍ରଙ୍କୁ ମରଣାନ୍ତକ ଆକ୍ରମଣ କରିଥିଲେ ଦୁର୍ବୃତ । ସ୍ଥାନୀୟ ମାଦଳା ସାହି ଛକ ଠାରେ ୭ ରୁ ଅଧିକ ଦୁର୍ବୃତ ୧୦ ଟି ବାଇକରେ ଆସି ବିକାଶକୁ ଆକ୍ରମଣ କରିଥିଲେ । ଫଳରେ ବିକାଶ ଗୁରୁତର ହୋଇପଡିଥିଲେ । ତାଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିବା ବେଳେ ପୂର୍ବତନ ମନ୍ତ୍ରୀ ରବି ନାରାୟଣ ନନ୍ଦ ମଧ୍ୟ ମେଡିକାଲ ଯାଇ ବିକାଶ ସହ ଆଲୋଚନା କରି ଫେରିଥିଲେ । ବିକାଶର ମୁଣ୍ଡ ଓ ମୁହଁରେ ଗଭୀର ଆଘାତ ଲାଗିଥିଲା । ବିକାଶଙ୍କୁ ଏମାନେ ଆକ୍ରମଣ କରିଥିବା ସନ୍ଦେହ କରି ଆଜି ବିକାଶ ପ୍ରତିଶୋଧ ପରାୟଣ ହୋଇ ପାଲଟା ଆକ୍ରମଣ କରିଥିଲେ ।

ଏହି ଆକ୍ରମଣ ବିକାଶ ଓ ତାଙ୍କର ସହଯୋଗି ମାନଙ୍କ ଦ୍ୱାରା ହୋଇଥିବା ନେଇ ନରେନ୍ଦ୍ର ଗଣମାଧ୍ୟମକୁ ସୂଚନା ଦେଇଛନ୍ତି । ବାପା ନରେନ୍ଦ୍ର ରକ୍ତାକ୍ତ ହୋଇଥିବା ବେଳେ ପୁଅ ଗୁରୁତର ହୋଇପଡିଛନ୍ତି । ସ୍ଥାନୀୟ ଲୋକେ ବାପ ଓ ପୁଅଙ୍କୁ ଜୟପୁର ମେଡିକାଲରେ ଭର୍ତି କରିଥିଲେ । ସେଠାରେ ପ୍ରାଥମିକ ଚିକିତ୍ସା କରାଯାଇ ଉଭୟଙ୍କୁ କୋରାପୁଟ ମେଡିକାଲ କଲେଜକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ଏଏସପି ଭି.ଆର ରାଓ, ଏସଡିପିଓ ପ୍ରତ୍ୟୁଷ ଦିବାକର, ଟାଉନ ଥାନା ଅଧିକାରି ବାଲେଶ୍ୱର ଗିଧି, ସଦର ଥାନା ଅଧିକାରୀ କୈଳାଶ ସେଠି, ଏସଆଇ ଶିବଶଙ୍କର ସାହୁଙ୍କ ସହ ପୋଲିସ ଟିମ୍ ପହଂଚି ତଦନ୍ତ ଆରମ୍ଭ କରିଛନ୍ତି

। ଦୁଇଟି ପରିବାର ଗୋଡିଆ ଧୋବା ସାହିରେ ରହୁଥିବା ବେଳେ ପୂର୍ବ ଶତ୍ରୁତାକୁ କେନ୍ଦ୍ର କରି ଏପରି ଘଟଣା ଘଟିଥିବା ନେଇ ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।

Click to comment

Leave a Reply

Your email address will not be published. Required fields are marked *

More in ଅପରାଧ