Connect with us
ମା ଦୁର୍ଗା ବରମୁଣ୍ଡା ପୂଜା ମଣ୍ଡପରେ ….
ମା ଦୁର୍ଗା ପୁନାମା ଗେଟ ପୂଜା ମଣ୍ଡପରେ ….
ରାଧା କୃଷ୍ଣ ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ଯମେଶ୍ୱର ପାଟଣା, ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ବଢେଇବାଙ୍କ ପୁରୁଣା ଭୁବନେଶ୍ୱର ପୂଜା ମଣ୍ଡପରେ …

ଦେଶ

ଡିଆରଡିଓରୁ ଆଇଏସ୍ଆଇ ଏଜେଣ୍ଟ ଗିରଫ

ସାଙ୍କେତିକ ଚିତ୍ର

ଡିଆରଡିଓରୁ ଆଇଏସ୍ଆଇ ଏଜେଣ୍ଟ ଗିରଫ
ନୂଆଦିଲ୍ଲୀ,୮ା୧୦ : ନାଗପୁରସ୍ଥିତ ବ୍ରହ୍ମୋସ କ୍ଷେପଣାସ୍ତ୍ର ୟୁନିଟରେ କାର୍ଯ୍ୟ କରୁଥିବା ଜଣେ ଆଇଏସ୍ଆଇ ଏଜେଣ୍ଟକୁ ସୋମବାର ଗିରଫ କରାଯାଇଛି । ଗିରଫ ଆଇଏସ୍ଆଇ ଏଜେଣ୍ଟଙ୍କ ନାମ ନିଶାନ୍ତ ଅଗ୍ରୱାଲ ଓ ସେ ପ୍ରତିରକ୍ଷା ଗବେଷଣା ବିକାଶ ପ୍ରତିଷ୍ଠାନ (ଡିଆରଡିଓ)ର ଜଣେ ବୈଜ୍ଞାନିକ ବୋଲି କୁହାଯାଉଛି । ନିଶାନ୍ତ ବ୍ରହ୍ମୋସ କ୍ଷେପଣାସ୍ତ୍ର ସମ୍ବନ୍ଧିତ ବୈଷୟିକ ଜ୍ଞାନ ଏବଂ ଅନ୍ୟ ଗୋପନୀୟ ତଥ୍ୟ ପାକିସ୍ତାନର ଗୁଇନ୍ଦା ସଂସ୍ଥା (ଆଇଏସ୍ଆଇ) ଓ ଆମେରିକାକୁ ଦେଉଥିଲେ ବୋଲି ସନ୍ଦେହ କରାଯାଉଛି ।

ମହାରାଷ୍ଟ୍ର ଏବଂ ଉତ୍ତର ପ୍ରଦେଶ ଆତଙ୍କବାଦ ନିରୋଧ ଦଳ ସହ ଭାରତୀୟ ସେନାର ଗୁଇନ୍ଦା ଅଧିକାରୀଙ୍କ ମିଳିତ କାର୍ଯ୍ୟାନୁଷ୍ଠାନରେ ନିଶାନ୍ତଙ୍କୁ ଗିରଫ କରାଯାଇଛି । ତାଙ୍କୁ ଏବେ ପଚରାଉଚୁରା କରାଯାଉଛି । ସେ ଏପର୍ଯ୍ୟନ୍ତ ଆଇଏସ୍ଆଇକୁ କେଉଁ କେଉଁ ସୂଚନା ପ୍ରଦାନ କରିଛନ୍ତି ଓ କିଭଳି ଆଇଏସ୍ଆଇ ସହ ତା’ର ଲିଙ୍କ ହେଲା ତାହା ଜାଣିବାକୁ ଚେଷ୍ଟା ଜାରି ରହିଛି । ଅଫିସିଆଲ ସିକ୍ରେଟ୍ ଆଇନ୍ ଆଧାରରେ ନିଶାନ୍ତଙ୍କୁ ଗିରଫ କରାଯାଇଛି । ଉଲ୍ଲେଖ ଯେ, ନିଶାନ୍ତଙ୍କୁ ୨୦୧୭-୧୮ରେ ଯୁବ ବିଜ୍ଞାନୀ ପୁରସ୍କାରରେ ସମ୍ମାନିତ କରାଯାଇଛି ।

ରବିବାର ରାତିରୁ ତାଙ୍କୁ ଉତ୍ତରପ୍ରଦେଶ ଆତଙ୍କବାଦ ନିରୋଧ ଦଳ (ଏଟିଏମ୍) ଟ୍ରାକ୍ କରିଥିଲା । ସବୁ କିଛି ଜାଣିବା ପରେ ସୋମବାର ଦିନ ଆଉ ଏକ ସଂସ୍ଥା ସହ ମିଶି ନିଶାନ୍ତଙ୍କୁ ଗିରଫ କରାଯାଇଛି ।

Click to comment

Leave a Reply

Your email address will not be published. Required fields are marked *

More in ଦେଶ