ମୁଖ୍ୟମନ୍ତ୍ରୀଙ୍କ ପ୍ରଶ୍ନର କଡା ଜବାବ ରଖିଲେ କେନ୍ଦ୍ରମନ୍ତ୍ରୀ, ମୁଖ୍ୟମନ୍ତ୍ରୀଙ୍କୁ ପାଲଟା ପ୍ରଶ୍ନ
ଭ୍ରଷ୍ଟାଚାରୀ ରୂପୀ ଛୋଟ ଦାନବ ସରୋଜ ସାହୁ ସହ କି ସମ୍ପର୍କ ଅଛି ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ-ଧର୍ମେନ୍ଦ୍ର ପ୍ରଧାନ
ଭୁବନେଶ୍ୱର ଚିଟଫଣ୍ଡ, ଖଣି ଦୁର୍ନୀତି, ପିସିର ଦାନବକୁ କିଏ ଦାନା ଦେଉଛି ମୁଖ୍ୟମନ୍ତ୍ରୀ ମହାଶୟ ଏହାର ଜବାବ ଦେବାର ଆବଶ୍ୟକ ରହିଛି । ସରୋଜ ସାହୁ ନାମକ ବ୍ୟକ୍ତି ଜଣଙ୍କ କିଏ । ଭ୍ରଷ୍ଟାଚାରୀ ରୂପୀ ଏହି ଛୋଟିଆ ଦାନବ ସହ କଣ ସମ୍ପର୍କ ମୁଖ୍ୟମନ୍ତ୍ରୀଙ୍କର ରହିଛି ତାର ଜବାବ ଦେବାକୁ ଆହ୍ୱାନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ବିଜେଡିର ପ୍ରତିଷ୍ଠା ଦିବସର ମୁଖ୍ୟମନ୍ତ୍ରୀ ଉଠାଇଥିବା ପ୍ରଶ୍ନର କଡା ଜବାବ ଦେବା ସହ ଶ୍ରୀ ପ୍ରଧାନ ନବୀନଙ୍କୁ ପଚାରିଛନ୍ତି ପାଲଟା ପ୍ରଶ୍ନ । ସନ୍ଧ୍ୟା ସୁଦ୍ଧା ଏ ସମସ୍ତ ପ୍ରଶ୍ନର ଉତର ନିଜେ ମୁଖ୍ୟମନ୍ତ୍ରୀ ଦିଅନ୍ତୁ ବୋଲି ଶ୍ରୀ ପ୍ରଧାନ ଆହ୍ୱାନ କରିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ, ଭ୍ରଷ୍ଟାଚାରୀ ରୂପୀ ଦାନବକୁ ନବୀନ ବାବୁ ଦାନା ଦେଉଛନ୍ତି । ସରୋଜ ସାହୁ ନାମକ ଏହି ବ୍ୟକ୍ତି ଜଣଙ୍କ କିଏ । କାହା ତରଫରୁ ସେ ଦସ୍ତଖତ କରେ, ଏହି ସମସ୍ତ ପ୍ରଶ୍ନର ଉତର ମୁଖ୍ୟମନ୍ତ୍ରୀଙ୍କୁ ଦେବାର ଆବଶ୍ୟକ ରହିଛି । ଉଜ୍ଜଳା ଯୋଜନା ଉପରେ ମୁଖ୍ୟମନ୍ତ୍ରୀଙ୍କ ପ୍ରଶ୍ନର ଉତରରେ କେନ୍ଦ୍ରମନ୍ତ୍ରୀ କହିଛନ୍ତି ଭାରତ ସରକାରଙ୍କର ସବୁଠୁ ବଡ ଯୋଜନା ଭାବେ ଉଜ୍ଜଳା ପରିଗଣିତ । ସାରା ଭାରତରେ ବର୍ତମାନ ସୁଦ୍ଧା ୬ କୋଟି ଗରିବ ମା ଭଉଣୀଙ୍କୁ ମାଗଣାରେ ଗ୍ୟାସ୍ କନେକସନ ଦିଆଯାଇଛି ।
ଓଡିଶାରେ ୨୦୧୪ ମସିହା ବେଳକୁ ୧୦୦ରେ ୨୦ ଜଣ ଗ୍ୟାସ କନକସନ ନେଉଥିବା ବେଳେ ଏବେ ଏହି ସଂଖ୍ୟା ୭୫ରେ ପହଁଚିଛି । କେବଳ ଉଜ୍ଜଳା ଯୋଜନାରେ ଏହି ସଂଖ୍ୟା ୩୫ ଲକ୍ଷରେ ପହଁଚିଲାଣୀ । ଗ୍ୟାସ୍ ସବସିଡ ଗରିବଙ୍କ ପାଇଁ ହୋଇଥିବା ବେଳେ ମୁଖ୍ୟମନ୍ତ୍ରୀଙ୍କ ଯୋଗାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ୨୦୧୮ ମସିହାରେ ୧୮୫୦ ଟଙ୍କା ସବସିଡ୍ ନେଇଛନ୍ତି । ଉଜ୍ଜଳା ଯୋଜନା ସଫଳ କି ବିଫଳ ଏହାର ସ୍ପଷ୍ଟତା ଜାଣିବା ମୁଖ୍ୟମନ୍ତ୍ରୀ ହିଞ୍ଜିଳିର କେଉଁ ବି ପରିବାର ଓ ତାଙ୍କ ପସନ୍ଦ ମୁତାବକ ଦିନ ଓ ସମୟ ସ୍ଥିର କଲେ ସେ ସେଠାକୁ ଯାଇ ଚା ପିଇ ପ୍ରମାଣ ଦେବାକୁ ପ୍ରସ୍ତୁତ ବୋଲି କହିଛନ୍ତି ।
