Connect with us
ମା ଦୁର୍ଗା ବରମୁଣ୍ଡା ପୂଜା ମଣ୍ଡପରେ ….
ମା ଦୁର୍ଗା ପୁନାମା ଗେଟ ପୂଜା ମଣ୍ଡପରେ ….
ରାଧା କୃଷ୍ଣ ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ଯମେଶ୍ୱର ପାଟଣା, ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ବଢେଇବାଙ୍କ ପୁରୁଣା ଭୁବନେଶ୍ୱର ପୂଜା ମଣ୍ଡପରେ …

ଦେଶ

ତିତଲି ପ୍ରଭାବ : ଆନ୍ଧ୍ରରେ ୮ମୃତ

ସାଙ୍କେତିକ ଚିତ୍ର

ତିତଲି ପ୍ରଭାବ : ଆନ୍ଧ୍ରରେ ୮ମୃତ
ନୂଆଦିଲ୍ଲୀ,୧୧ା୧୦ : ଘୂର୍ଣ୍ଣିବଳୟ ‘ତିତଲି’ ଆନ୍ଧ୍ର ପ୍ରଦେଶର ଉତ୍ତରାଞ୍ଚଳ ଓ ଓଡ଼ିଶାର ଦକ୍ଷିଣାଞ୍ଚଳରେ ବ୍ୟାପକ କ୍ଷୟକ୍ଷତି ଘଟାଇବା ପରେ ଏବେ ପଶ୍ଚିମବଙ୍ଗ ମୁହାଁ । ଉପକୂଳ ଅତିକ୍ରମ କରିବା ବେଳେ ତିତଲି ଓଡ଼ିଶା ଓ ଆନ୍ଧ୍ରର କେତେକ ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟାଇଛି । ଗଞ୍ଜାମ ଗୋପାଳପୁରଠାରେ ସାମୁଦ୍ରିକ ଝଡର ସମ୍ମୁଖୀନ ହୋଇ ଏକ ନୌକା ବୁଡି ଯାଇଥିଲା । ନୌକାରେ ୫ଜଣ ମତ୍ସଜୀବୀ ଥିଲେ । ତେବେ ପୂର୍ବରୁ ପ୍ରସ୍ତୁତି ହେତୁ ସେମାନଙ୍କୁ ଠିକ୍ ସମୟରେ ଉଦ୍ଧାର କରାଯାଇ ପାରିଥିଲା ।

ଅପରପକ୍ଷରେ ଆନ୍ଧ୍ର ପ୍ରଦେଶର ଶ୍ରୀକାକୁଲମ ଜିଲ୍ଲାରେ ତିତଲିର ପ୍ରଭାବରେ ୮ଜଣଙ୍କ ମୃତ୍ୟୁ ହୋଇଯାଇଛି । ଓଡ଼ିଶାର ପାଣିପାଗ ବିଭାଗ ପକ୍ଷରୁ ଆଗାମୀ ୧୨ ଘଣ୍ଟା ପର୍ଯ୍ୟନ୍ତ ପ୍ରବଳ ପବନ ଓ ବର୍ଷା ହେବାର ଆକଳନ କରାଯାଇଛି । ସମୁଦ୍ର ତଟବର୍ତ୍ତୀ ଅଞ୍ଚଳର ୩ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ଗୋପାଳପୁରଠାରୁ ୮୬କିମି ଦକ୍ଷିଣ-ପଶ୍ଚିମରେ ତିତଲି ଭୂପୃଷ୍ଠକୁ ଛୁଁଇଥିଲା । ପ୍ରବଳରୁ ଅତି ପ୍ରବଳ ପବନ ହେତୁ କେଉଁଠି କେଉଁଠି ବିଦ୍ୟୁତ୍ ଖୁଣ୍ଟ ଉପୁଡି ଯିବାରୁ ବିଦ୍ୟୁତ୍ ସରବରାହ ବ୍ୟାତ ହୋଇଛି । ଗୋପାଳପୁରଠାରେ ୧୪୦ରୁ ୧୫୦ କିମି ବେଗରେ ପବନ ବୋହିବା ସହ ପ୍ରବଳ ବର୍ଷା ମଧ୍ୟ ହୋଇଥିଲା । ପରିସ୍ଥିତିକୁ ଦେଖି ଓଡ଼ିଶା ଦେଇ ଗମନାଗମନ କରୁଥିବା ଏକାଧିକ ଟ୍ରେନକୁ ବାତିଲ କରାଯିବା ସହ କିଛି ଟ୍ରେନର ଗତିପଥ ବଦଳାଇ ଦିଆଯାଇଛି । ରାଜ୍ୟର ସ୍କୁଲ କଲେଜକୁ ୨ଦିନ ପାଇଁ ବନ୍ଦ ରଖାଯାଇଛି ।

Click to comment

Leave a Reply

Your email address will not be published. Required fields are marked *

More in ଦେଶ