Connect with us
ମା ଦୁର୍ଗା ବରମୁଣ୍ଡା ପୂଜା ମଣ୍ଡପରେ ….
ମା ଦୁର୍ଗା ପୁନାମା ଗେଟ ପୂଜା ମଣ୍ଡପରେ ….
ରାଧା କୃଷ୍ଣ ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ଯମେଶ୍ୱର ପାଟଣା, ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ବଢେଇବାଙ୍କ ପୁରୁଣା ଭୁବନେଶ୍ୱର ପୂଜା ମଣ୍ଡପରେ …

ଦେଶ

ପୋଲିସ ହେପାଜତରେ ଆମ୍ରପାଲି ଗ୍ରୁପ୍ର ୩ ନିର୍ଦ୍ଦେଶକ

ସାଙ୍କେତିକ ଚିତ୍ର

ପୋଲିସ ହେପାଜତରେ ଆମ୍ରପାଲି ଗ୍ରୁପ୍ର ୩ ନିର୍ଦ୍ଦେଶକ
ନୂଆଦିଲ୍ଲୀ,୯ା୧୦ : ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ମଙ୍ଗଳବାର ପୋଲିସ ଆମ୍ରପାଲି ଗ୍ରୁପର ୩ଜଣ ନିର୍ଦ୍ଦେଶକଙ୍କୁ ହେପାଜତକୁ ନେଇଛି । ବାରମ୍ବାର ତାଗିଦା ପରେ ବି ଦସ୍ତାବିଜ୍ ଦାଖଲର ଆମ୍ରପାଲି ଗ୍ରୁପ୍ ବିଳମ୍ବ କରିବାରୁ ସର୍ବୋଚ୍ଚ ଅଦାଲତ କ୍ଷୋଭ ପ୍ରକାଶ କରିବା ସହ ନିର୍ଦ୍ଦେଶକଙ୍କୁ ଗିରଫ କରିବାକୁ ନିର୍ଦ୍ଦେଶ ଦେଇଥିଲେ । ଦସ୍ତାବିଜ୍ ଦାଖଲ କରିବା ପର୍ଯ୍ୟନ୍ତ ଆମ୍ରପାଲିର ନିର୍ଦ୍ଦେଶକମାନେ ପୋଲିସ ହେପାଜତରେ ରହିବେ ବୋଲି ଅଦାଲତ କହିଛନ୍ତି । ଆମ୍ରପାଲି ରିୟଲ ଇଷ୍ଟେଟ ଗ୍ରୁପ୍ର ନିର୍ଦ୍ଦେଶକ ଅନିଲ କୁମାର ଶର୍ମା, ଶିବ ପ୍ରିୟ ଏବଂ ଅଜୟ କୁମାର ପୋଲିସ ହେପାଜରେ ଅଛନ୍ତି ।

ପ୍ରକାଶଥାଉ କି, ଆମ୍ରପାଲି ଗ୍ରୁପ୍ର ଅନେକ ପ୍ରକଳ୍ପ କାର୍ଯ୍ୟ ଅଧା ଖଣ୍ଡିଆ ହୋଇ ପଡି ରହିଥିବାରୁ ନିବେଶକଙ୍କ ଅର୍ଥ ଫସି ରହିଛି । ମଙ୍ଗଳବାର ସୁପ୍ରିମକୋର୍ଟ ଆମ୍ରପାଲି ଗ୍ରୁପ୍ ଡେଭଲପରଙ୍କୁ ଚେତାବନୀ ଦେଇ କହିଛନ୍ତି ଯେ, “କୋର୍ଟ ସହ ଲୁଚକାଳି ଖେଳନାହିଁ । ଯେ ପର୍ଯ୍ୟନ୍ତ ଦସ୍ତାବିଜ୍ ଦାଖଲ କରିନାହଁ, ସେ ପର୍ଯ୍ୟନ୍ତ ନିର୍ଦ୍ଦେଶକମାନେ ପୋଲିସ ହେପାଜତରେ ରହିବେ” । ଉଲ୍ଲେଖଯୋଗ୍ୟ ଯେ, ଏହା ପୂର୍ବରୁ ସୁପ୍ରିମକୋର୍ଟ ଋଣ ଆଦାୟ ଟ୍ରାଇବ୍ୟୁନାଲ (ଡିଆରଟି)ଙ୍କୁ ଆମ୍ରପାଲି ଗ୍ରୁପର ୧୬ଟି ସମ୍ପତ୍ତି ନିଲାମ ଅବା ବିକ୍ରି କରିବାକୁ ନିର୍ଦ୍ଦେଶ ଦେଇଥିଲେ । ଏହି ୧୬ଟି ସମ୍ପତ୍ତି ବିକ୍ରି ଦ୍ୱାରା ୧୬୦୦ କୋଟି ଟଙ୍କା ସଂଗ୍ରହ କରିହେବ ବୋଲି ଆକଳନ କରାଯାଇଛି । ସମ୍ପତ୍ତି ବିକ୍ରି ଅର୍ଥ ଦ୍ୱାରା ଅଧା ପଡିଥିବା ପ୍ରକଳ୍ପ କାର୍ଯ୍ୟ ପୂର୍ଣ୍ଣ କରିବା ପାଇଁ ଧ୍ୟାନ ଦେବାକୁ କୋର୍ଟ କହିଥିଲେ । ଏନେଇ ସମସ୍ତ ଦସ୍ତାବିଜ୍ ଡିଆରଟିଙ୍କ ନିକଟରେ ଦାଖଲ କରିବାକୁ କୋର୍ଟ ଆମ୍ରପାଲି ଗ୍ରୁପ୍ର ନିର୍ଦ୍ଦେଶକଙ୍କୁ ନିର୍ଦ୍ଦେଶ ଦେଇଥିଲେ । ମାତ୍ର ନିର୍ଦ୍ଦେଶକମାନେ ଦସ୍ତାବିଜ୍ ଦାଖଲ ନକରି ସମୟ ଗଡାଇ ଚାଲିଛନ୍ତି ।

Click to comment

Leave a Reply

Your email address will not be published. Required fields are marked *

More in ଦେଶ