୯ ଜିଲ୍ଲାରେ ଭୀଷଣ ବର୍ଷା ସମ୍ଭାବନା
ଭୁବନେଶ୍ୱର,୧୩ା୮ : ଉତର -ପଶ୍ଚିମ ବଙ୍ଗୋପସାଗର ଏବଂ ଏହାର ଅ ।ଖପାଖ ଅଂଚଳରେ ଲଘୁ·ପ ସୃଷ୍ଟି ହୋଇଛି । ଯାହା ଘନୀଭୂତ ହେଉଥିବାରୁ ରାଜ୍ୟର ୯ଟି ଜିଲ୍ଲାରେ ବାଦଲଫଟା ବର୍ଷା ହେବାର ସମ୍ଭାବନା ରହିଛି । ଏହି ଜିଲ୍ଲା ଗୁଡିକ ହେଲା ଗଂଜାମ , ପୁରୀ , ନୟାଗଡ ,ଖୋର୍ଦ୍ଧା,ସମ୍ବଲପୁର ,ବୌଦ ,କଟକ, ଜଗତସିଂହପୁର ଓ କନ୍ଧମାଳ । ଏହାର ମୁକାବିଲା ପାଇଁ ଜିଲ୍ଲା ପ୍ରଶାସନକୁ ପ୍ରସ୍ତୁତ ରହିବା ପାଇଁ ନିର୍ଦ୍ଦେଶ ଦିଆଯାଇଛି ବୋଲି ଉପ ସ୍ୱତନ୍ତ୍ର ରିଲିଫ୍ କମିଶନର ପ୍ରଭାତ ରଂଜନ ମହାପାତ୍ର କହିଛନ୍ତି । ପରିସ୍ଥିତି ମୁକାବିଲା ପାଇଁ ୩୦୦ ବୋଟ୍ ପ୍ରସ୍ତୁତ ରହିଛି । ସେ ଆହୁରି କହିଛନ୍ତି ଯେ ଉପରୋକ୍ତ ୯ଟି ଜିଲ୍ଲା ବ୍ୟବୀତ ଆଉ ୯ଟି ଜିଲ୍ଲାରେ ମଧ୍ୟ ବର୍ଷା ହୋଇପାରେ । ଏହି ଜିଲ୍ଲା ଗୁଡିକ ହେଲା କଳାହାଣ୍ଡି, ରାୟଗଡା, ଅନୁଗୁଳ,ଗଜପତି, କେନ୍ଦ୍ରାପଡା, ଦେବଗଡ, ସୁନ୍ଦରଗଡ, ଝାରସୁଗୁଡା ଏବଂ ବରଗଡ । ଏହି ସବୁ ଜିଲ୍ଲାର ବିଭିନ୍ନ ସ୍ଥାନରେ ପ୍ରବଳ ବଷାଁ ସହ ଘଡଘଡ଼ି ଓ ପବନ ବୋହିବାର ଅ ।ଶଙ୍କା ମଧ୍ୟ କରାଯାଉଛି । ପବନର ବେଗ ଘଂଟାକୁ କିମି ପ୍ରତି ୫୦ରୁ ୬୦ ରହିବ । ତେଣୁ ମତ୍ସ୍ୟଜୀବୀମାନଙ୍କୁ ସମୁଦ୍ରକୁ ନଯିବାକୁ ପରାମର୍ଶ ଦିଆଯାଇଛି ।
