ଆଶ୍ରମରୁ ଛାତ୍ର ନିଖୋଜ, ପରିଚାଳକ ଫେରାର୍
ଢ଼େଙ୍କାନାଳ – ଢ଼େଙ୍କାନାଳ ସହରର ଗୋବିନ୍ଦପୁର ସ୍ଥିତ କଳ୍ପତରୁ ଆଶ୍ରମରୁ ଜଣେ ୧୦ ବର୍ଷିୟ ଛାତ୍ର ନିଖୋଜ ହୋଇଯାଇଥିବା ଅଭିଯୋଗ ହୋଇଛି । ତାଙ୍କ ନାମ ରୋହିତ ଦାସ । ତାଙ୍କ ଘର ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁରର ଗଡ଼ପୋଷ ଅଂଚଳରେ ବୋଲି ଜଣାପଡିଛି । ଗତକାଲି ଏନେଇ ଛାତ୍ରଙ୍କ ପରିବାର ପକ୍ଷରୁ ସଦର ଥାନାରେ ଅଭିଯୋଗ ହୋଇଛି । ଅଭିଯୋଗକୁ ଭିତି କରି ପୋଲିସ ଘଟଣାର ତଦନ୍ତ ଆରମ୍ଭ କରିଛି । ସନ୍ଧାନୀ କୁକୁର ସାହାଯ୍ୟରେ ପୋଲିସ ଛାନଭିନ୍ ଚଳାଇଛି ।
ରୋହିତ ଗତ କିଛି ବର୍ଷ ହେଲା ଆଶ୍ରମରେ ରହୁଥିଲା । ବୁଧବାର ଠାରୁ ସେ ଆଶ୍ରମରୁ ନିଖୋଜ ହୋଇଯାଇଛି । ଏହି ଘଟଣା ସାମ୍ନାକୁ ଆସିବା ପରେ ଆଶ୍ରମର ପରିଚାଳକ ବାବା ମୁରାରୀ ଦାସ ଫେରାର୍ ହୋଇଯାଇଛନ୍ତି । ବାବା ଦୀର୍ଘ ବର୍ଷ ହେବ ବେଆଇନ ଭାବେ ଏଠାରେ ଆଶ୍ରମ ଚଳାଇଥିବା ଅଭିଯୋଗ ହୋଇଛି । ସ୍ଥାନୀୟ ତହସିଲଦାର ଆଶ୍ରମରେ ପହଂଚି ଘଟଣାର ତଦନ୍ତ ଆରମ୍ଭ କରିଛନ୍ତି ।
