ପୁଣି ତେଲେଙ୍ଗାନାରେ କେସିଆର ସରକାର
ନୂଆଦିଲ୍ଲୀ,୧୧ା୧୨ : ତେଲେଙ୍ଗାନାରେ ଏବେି ସବୁଠାରୁ ଅଧିକ ଲୋକପ୍ରିୟ ନେତା ହେଉଛନ୍ତି କେସିଆର । ଏହି ନିର୍ବାଚନରୁ ଏହା ଏକ ପ୍ରକାର ସ୍ପଷ୍ଟ ହୋଇଛି । ତେଲେଙ୍ଗାନାର ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ ଗାଜୱାଲ ବିଧାନସଭା ଆସନରୁ ୫୦ ହଜାର ଭୋଟ ବ୍ୟବଧାନରେ ନିଜର ନିକଟତମ ପ୍ରତିଦ୍ୱନ୍ଦ୍ୱୀ କଂଗ୍ରେସର ଭି.ପ୍ରତାପ ରେଡ୍ଡୀଙ୍କୁ ହରାଇଛନ୍ତି ।
ଆଗୁଆ ନିର୍ବାଚନ ପାଇଁ ୧୦ମାସ ପୂର୍ବରୁ ବିଧାନସଭା ଭଙ୍ଗ କରି ବହୁ ଆଲୋଚନାର ଶିକାର ହୋଇଥିଲେ କେସିଆର । ପ୍ରଚାର ସମୟରେ ମଧ୍ୟ ବିଭିନ୍ନ ରାଜନୈତିକ ଦଳର ପ୍ରତିନିଧିମାନେ କେସିଆରଙ୍କ ଉପରେ ବର୍ଷିଥିଲେ । କେସିଆର ତାଙ୍କ ପ୍ରତିଶ୍ରୁତି ପାଳନ କରିବାରେ ବିଫଳ ହୋଇଛନ୍ତି ବୋଲି କହି ବିରୋଧୀମାନେ ଟାର୍ଗେଟ କରିଥିଲେ ।
କିନ୍ତୁ ଏହିସବୁ କେସିଆରଙ୍କ ଲୋକପ୍ରିୟତାରେ କୌଣସି ପ୍ରଭାବ ପକାଇ ନାହିଁ । ନିର୍ବାଚନରେ ବିପୁଳ ଭୋଟ ପାଇ ବିଜୟ ହାସଲ କରିବା ସହ ତେଲେଙ୍ଗାନାରେ ୨ଥର ପାଇଁ ସରକାର ଗଢ଼ିବାକୁ ଯାଉଛନ୍ତି କେସିଆର ।
