ଭୁବନେଶ୍ୱର:- ଭୁବନେଶ୍ୱରସ୍ଥିତ ଝାରପଡ଼ା ଜେଲ ପରିସରରେ ରବିବାର ଜଣେ କଏଦୀଙ୍କ ମୃତ୍ୟୁ ହୋଇଯାଇଛି । ମୃତକ ଜଣକ ଖୋର୍ଦ୍ଧା ଜିଲ୍ଲାର ଜଟଣୀ ଥାନା ଅନ୍ତର୍ଗତ ବଡତୋଟା ଗାଁର ଗଦାଧର ସାହୁ ବୋଲି ଜଣାପଡ଼ିଛି । ଗଦାଧର ଆଜି ସକାଳୁ ଅସୁସ୍ଥତା ଅନୁଭବ କରିବା ପରେ ତାଙ୍କୁ କ୍ୟାପିଟାଲ ହସ୍ପିଟାଲକୁ ନିଆଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କୁ ଡାକ୍ତର ମୃତ ଘୋଷଣା କରିଛନ୍ତି ।
ସୂଚନାଯୋଗ୍ୟ ଯେ , ଏକ ଦୁଷ୍କର୍ମ ମାମଲାରେ ଗଦାଧରଙ୍କୁ ୨୦୧୫ରେ ୧୦ ବର୍ଷ କରାଦଣ୍ଡ ହୋଇଥିଲା । ଏହି କାରଣରୁ ସେ ଜେଲଦଣ୍ଡ ଝାରପଡା ଜେଲରେ ଭୋଗୁଥିଲେ । ତାଙ୍କ ପରିବାର ଲୋକ ଅଭିଯୋଗ କରିଛନ୍ତିଯେ, ମାନସିକ ନିର୍ଯ୍ୟାତନା ଯୋଗୁଁ ଗଦାଧରଙ୍କ ମୃତ୍ୟୁ ହୋଇଛି ।
