ମୁଖ୍ୟମନ୍ତ୍ରୀଙ୍କୁ ଭେଟିଲେ ସୁପର ଷ୍ଟାର କମଲ ହାସନ
ଭୁବନେଶ୍ୱର, ୧୮ ନଭେମ୍ବର – ତାମିଲନାଡ଼ୁର ରାଜନୈତିକ ଦଳ ଏମଏନଏମର ପ୍ରତିଷ୍ଠାତା ତଥା ଅଭିନେତା କମଲ ହାସନ ଆଜି ଓଡ଼ିଶା ଗସ୍ତରେ ଆସି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନବୀନ ନିବାସରେ ସାକ୍ଷାତ କରି ଜାତୀୟ ରାଜନୀତି ଉପରେ ଆଲୋଚନା କରିଛନ୍ତି ।
ଏହି ଆଲୋଚନା ପରେ ମୁଖ୍ୟମନ୍ତ୍ରୀ କହିଛନ୍ତି ଯେ, ତାଙ୍କ ଦଳର ଭବିଷ୍ୟତ ଯୋଜନା ଉପରେ ଆଲୋଚନା ହୋଇଥିଲା । ଅପର ପକ୍ଷରେ କମଳ ହାସନ କହିଛନ୍ତି ଯେ, ମୁଖ୍ୟମନ୍ତ୍ରୀଙ୍କ ସହିତ ଆଲୋଚନା କାଳରେ ରାଜନୈତିକ ଉପାଦେୟ ପରାମର୍ଶ ନେଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଦୈନନ୍ଦିନ ଜୀବନଶୈଳୀ ବହୁ ପାଖରୁ ଦେଖିଲେ ଏବଂ ସେଥିରୁ ମଧ୍ୟ କିଛି ଶିକ୍ଷା ଲାଭ କଲେ । ତାଙ୍କର ରାଜନୈତିକ ଏବଂ ଶାସନର ଅଭିଜ୍ଞତା ସମ୍ପର୍କରେ ଜାଣିବାର ସୁଯୋଗ ପାଇଲେ ।
