ଆତଙ୍କବାଦୀ ମାନେ ନ ସୁଧୁରିଲେ ପିଓକେରେ ପ୍ରବେଶ କରି ମାରିବୁ – ରାଜ୍ୟପାଳ ମଲିକ
ଜାମ୍ମୁ, ୨୧ ଅକ୍ଟୋବର – ପାକ ଅଧିକୃତ କାଶ୍ମୀର (ପିଓକେ) ସ୍ଥିତ ଆତଙ୍କବାଦୀ କ୍ୟାମ୍ପ ଗୁଡିକୁ ଭାରତୀୟ ସେନା ଦ୍ୱାରା ତୋପ ଦ୍ୱାରା ଆକ୍ରମଣ କରି ଧ୍ୱସ୍ତ କରା ଯିବା ପରେ ଜାମ୍ମ କାଶ୍ମୀରର ରାଜ୍ୟପାଳ ସତ୍ୟପାଲ ମଲ୍ଲିକ କହିଛନ୍ତି ଯେ ଯଦି ଆତଙ୍କବାଦୀ ମାନେ ନ ସୁଧରନ୍ତି ତେବେ ଆମେ ପାକ ଅଧିକୃତ କାଶ୍ମୀରରେ ପ୍ରବେଶ କରି ଆତଙ୍କବାଦୀ କ୍ୟାମ୍ପଗୁଡିକୁ ଶେଷ କରିଦେବୁ । ସେ କହିଛନ୍ତି ଯେ ଯେଭଳି ଭାବେ ପାକିସ୍ତାନ ଲଗାତାର ଯୁଦ୍ଧ ବିରତି ଉଲ୍ଲଂଘନ କରି ଭାରତୀୟ ଅଂଚଳ ଉପରେ ଆକ୍ରମଣ କରୁଛି ତାକୁ ରୋକିବା ପାଇଁ ଭାରତ ଉଚିତ ପଦକ୍ଷେପ ନେବ ଉଲ୍ଲେଖନୀୟ ଆତଙ୍କବାଦୀ ମାନଙ୍କ ପ୍ରବେଶ ପାଇଁ ପାକିସ୍ତାନୀ ସେନା ପକ୍ଷରୁ ଯୁଦ୍ଧ ବିରତି ଉଲ୍ଲଂଘନ କରା ଯାଇଥିଲା । ଏହାର ଭାରତୀୟ ସେନା ଜବାବ ଦେଇଥିଲା ଓ ଏଥିରେ ଅନେକ ଆତଙ୍କବାଦୀ, ସୈନିକ ଓ ଲଂଚ ପ୍ୟାଡ ଧ୍ୱଂସ ହୋଇ ଯାଇଥିଲା ।
