ବିଲାତି ବାଇଗଣର ଚମତ୍କାରି ଗୁଣ
ବିଲାତି ବାଇଗଣ ବା ଟମାଟୋ ଏକ ସାଧାରଣ ପରିବା ପରି ମନେହେଉଥିଲେ ମଧ୍ୟ ଏହା ଏକ ଉତ୍ତମ ଚିକିତ୍ସକ ବୋଲି ନିଃସନ୍ଦେହରେ କୁହାଯାଇପାରେ । ଏହା ଆଣ୍ଟିଅକ୍ସିଡାଣ୍ଟ ଏବଂ ବିଶେଷକରି ଲାଇକୋପିନ୍ରେ ଭରପୂର । ଲାଇକୋପିନ୍ ହିଁ ଟମାଟୋକୁ ଲାଲ୍ ରଙ୍ଗ ଦେଇଥାଏ ତଥା ପ୍ରୋଷ୍ଟେଟ୍ ପରିମାଣରେ ଅଛି । ଉଭୟ ସେଓ ଓ କମଳାରୁ ଯେଉଁ ଲାଭ ମିଳିବ ସେସବୁ କେବଳ ଟମାଟୋରୁ ହିଁ ମିଳିପାରିବ । ପୋଷକତତ୍ତ୍ୱ ସହିତ ଏହାର ଅନ୍ୟାନ୍ୟ ଚିକିତ୍ସକୀୟ ଗୁଣ ବି ରହିଛି । ଶ୍ୱାସରୋଗୀମାନେ ବର୍ଷ ସାରା ଟମାଟୋ ଖାଇବା ଭଲ ।
ନିୟମିତ ଟମାଟୋ ଖାଇଲେ ଶ୍ୱାସନଳୀ ସଂକ୍ରାନ୍ତ ସମସ୍ୟା ଦୂର ହୋଇଥାଏ ବୋଲି ଚିକିତ୍ସକମାନେ ମତ ଦିଅନ୍ତି । କାଶ, କଫରୁ ବି ମୁକ୍ତି ମିଳେ । ବେଶୀ ପାଚିଲା ଟମାଟୋ କ୍ୟାନ୍ସର ହେବାରୁ ଦୂରେଇ ରଖେ । ଏହା ଶରୀରରେ ରୋଗ ପ୍ରତିରୋଧକ ଶକ୍ତି ମଧ୍ୟ ବଢାଏ । ଟମାଟୋରେ ଭିଟାମିନ୍-ଏ’ର ମାତ୍ର ୧୨ କ୍ୟାଲୋରୀ ଯୁକ୍ତ । ତେଣୁ ଡାଏଟିଂ କରୁଥିବା ବ୍ୟକ୍ତି ଯଥେଷ୍ଟ ଟମାଟୋ ଖାଇପାରିବେ । ପୁଣି ଟମାଟୋ ଶସରେ କ୍ଷୀର ତଥା ଲେମ୍ବୁରସ ମିଶାଇ ମୁହଁରେ ଲଗାଇଲେ ତ୍ୱଚାରେ ଉଜ୍ଜ୍ୱଳତା ଆସେ ।ଏହା ମୁହଁର ଭାଙ୍ଗ କମ୍ କରିବା ସହିତ ଲୋମଛିଦ୍ର ଆକାର ବଢାଇଥାଏ । ଟମାଟୋ ଓ ମହୁ ମିଶା ଫେସ୍ପ୍ୟାକ୍ ବି ବ୍ୟବହାର କରିପାରିବେ ।
ଖାଇବା ପୂର୍ବରୁ ୨/୩ଟି ପାଚିଲା ଟମାଟୋ କାଟି ସେଥିରେ ଗୋଲମରିଚ ଗୁଣ୍ଡ, କଳାଲୁଣ, ଧନିଆ ପତ୍ର ମିଶାଇ ଖାଆନ୍ତୁ । ମୁହଁ ଉଜ୍ଜ୍ୱଳ ହେବା ସହିତ ପୌରଷତ୍ୱ ବୃଦ୍ଧି ପାଇଁ ଏହା ଖୁବ୍ ଉପଯୋଗୀ । କୃମ ହେଲେ ବି ଟମାଟୋ ଏବଂ ଗୋଲମରିଚ ଗୁଣ୍ଡ ସକାଳୁ ଖାଲିପେଟରେ ଖାଇବା ଲାଭଦାୟକ । ସକାଳ ଜଳଖିଆରେ ଯଦି ଦୁଇଟି ଟମାଟୋ ଖିଆଯାଏ, ତେବେ ଏହା ପୂରାପେଟ ଖାଇବା ସହିତ ସମାନ ହେବ ଏବଂ ଓଜନ ମଧ୍ୟ ବଢିବ ନାହିଁ ।
