Connect with us
ମା ଦୁର୍ଗା ବରମୁଣ୍ଡା ପୂଜା ମଣ୍ଡପରେ ….
ମା ଦୁର୍ଗା ପୁନାମା ଗେଟ ପୂଜା ମଣ୍ଡପରେ ….
ରାଧା କୃଷ୍ଣ ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ଯମେଶ୍ୱର ପାଟଣା, ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ବଢେଇବାଙ୍କ ପୁରୁଣା ଭୁବନେଶ୍ୱର ପୂଜା ମଣ୍ଡପରେ …

ଦେଶ

ପୁଣି ବଢ଼ିଲା ତୈଳ ଦର

ସାଙ୍କେତିକ ଚିତ୍ର

ପୁଣି ବଢ଼ିଲା ତୈଳ ଦର
ନୂଆଦିଲ୍ଲୀ,୭ା୧୦ : କେନ୍ଦ୍ର ସରକାରଙ୍କ ପକ୍ଷରୁ ପେଟ୍ରୋଲ ଓ ଡିଜେଲ ଦର ଲିଟର ପିଛା ୨ ଟଙ୍କା ୫୦ ପଇସା ହ୍ରାସ ପରେ ପୁଣିଥରେ ଦର ବୃଦ୍ଧି ହେବା ପର୍ବ ଆରମ୍ଭ ହୋଇଯାଇଛି । ଏବେ ଏହି ଦୁଇ ଇନ୍ଧନର ଦର ତିନି ସପ୍ତାହ ମଧ୍ୟରେ ସବୁଠୁ ଉଚ୍ଚ ସ୍ତରରେ ପହଞ୍ଛିଛି । ଉତ୍ପାଦ ଶୁଳ୍କ ହ୍ରାସ କରିବା ତଥା ସରକାରୀ ତୈଳ କମ୍ପାନୀ ଏକ ଟଙ୍କାର ସବ୍ସିଡି ଦେବା ପରେ ଏବେ ପୁଣିଥରେ ବଢ଼ିଛି ତେଲ ଦର । ଅଢ଼େଇ ଟଙ୍କା କମ କରିବାର ଦୁଇଦିନ ମଧ୍ୟରେ ପେଟ୍ରୋଲ ଲିଟର ପିଛା ୩୨ ପଇସା ଓ ଡିଜେଲ ଲିଟର ପିଛା ୫୮ ପଇସା ବୃଦ୍ଧି ପାଇଛି ।

ଉଲ୍ଲେଖଯୋଗ୍ୟ ଯେ, ଅକ୍ଟୋବର ୪ରେ ପେଟ୍ରୋଲ-ଡିଜେଲ ଦର ଅଢ଼େଇ ଟଙ୍କା ହ୍ରାସ କରାଯାଇଥିଲା । କେନ୍ଦ୍ର ସରକାର ଉତ୍ପାଦ ଶୁଳ୍କରେ ଲିଟର ପିଛା ୧.୫୦ ଟଙ୍କା ହ୍ରାସ କରିଥିବା ବେଳେ ସାର୍ବଜନୀନ କ୍ଷେତ୍ରରେ ପେଟ୍ରୋଲିୟମ ମାର୍କେଟିଂ କମ୍ପାନୀ ପେଟ୍ରୋଲ, ଡିଜେଲ ଉପରେ ଲିଟର ପିଛା ଏକ ଟଙ୍କା ହ୍ରାସ କରିଥିଲେ । କେନ୍ଦ୍ର ସରକାରଙ୍କ ଅପିଲ ପରେ ଏହାପରେ ବିଜେପି ଶାସିତ ରାଜ୍ୟ ପେଟ୍ରୋଲ-ଡିଜେଲ ଲିଟର ପିଛା ଅଢ଼େଇ ଟଙ୍କା ହ୍ରାସ କରିଥିଲେ । ଏହିପରି ଏହିସବୁ ରାଜ୍ୟରେ ଉପଭୋକ୍ତାଙ୍କୁ ୫ଟଙ୍କା ଶସ୍ତାରେ ତେଲ ମିଳିଥିଲା । ମାତ୍ର ଏହି ହ୍ରାସ ପରବର୍ତ୍ତୀ ଦିନଠୁ ପୁଣିଥରେ ବୃଦ୍ଧି ପାଇଛି ତେଲ ଦର ।

ତୈଳ କମ୍ପାନୀଙ୍କ ପକ୍ଷରୁ ଜାରି ଅଧିସୂଚନା ମୁତାବକ ପେଟ୍ରୋଲ ଦାମ ଶନିବାର ୧୮ ପଇସା ତଥା ରବିବାର ୧୪ ପଇସା ବୃଦ୍ଧି ପାଇଛି । ଦର ହ୍ରାସ ପରେ ଦିଲ୍ଲୀରେ ପେଟ୍ରୋଲ ଲିଟର ପିଛା ୮୧.୫୦ ଟଙ୍କା ଥଲା । ମାତ୍ର ଏବେ ଦର ବଢ଼ିବା କାରଣରୁ ରବିବାର ପେଟ୍ରୋଲ ଲିଟର ପିଛା ୮୧.୮୨ ଟଙ୍କାରେ ପହଞ୍ଛିଛି । ଏହିପରି ଶନିବାର ଓ ରବିବାର ଡିଜେଲ ଦର ଲିଟର ପିଛା ୨୯-୨୯ ପଇସା ବୃଦ୍ଧି ଘଟିଛି । ଏହିଦର ବୃଦ୍ଧି ପରେ ଡିଜେଲ ଲିଟର ପିଛା ୭୩.୫୩ ଟଙ୍କା ହୋଇଛି । ଅକ୍ଟୋବର ୫ରେ ଏହି ଦର ୭୨.୮୫ ଟଙ୍କାରେ ଥିଲା ।

Click to comment

Leave a Reply

Your email address will not be published. Required fields are marked *

More in ଦେଶ