Connect with us
ମା ଦୁର୍ଗା ବରମୁଣ୍ଡା ପୂଜା ମଣ୍ଡପରେ ….
ମା ଦୁର୍ଗା ପୁନାମା ଗେଟ ପୂଜା ମଣ୍ଡପରେ ….
ରାଧା କୃଷ୍ଣ ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ଯମେଶ୍ୱର ପାଟଣା, ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ବଢେଇବାଙ୍କ ପୁରୁଣା ଭୁବନେଶ୍ୱର ପୂଜା ମଣ୍ଡପରେ …

ଓଡିଶା

ଚାନ୍ଦା ପାଇଁ ଜୁଲୁମ ବା ଧମକ ଚମକ ଦେଲେ କାର୍ଯ୍ୟାନୁଷ୍ଠାନ ନିଆଯିବ:- କମିସନରେଟ୍‌ ପୁଲିସ l

ଚାନ୍ଦା ପାଇଁ ଜୁଲୁମ ବା ଧମକ ଚମକ ଦେଲେ କାର୍ଯ୍ୟାନୁଷ୍ଠାନ ନିଆଯିବ:- କମିସନରେଟ୍‌ ପୁଲିସ l

ଭୁବନେଶ୍ୱର: ଦିନ କେଇଟା ପରେ ଶ୍ରୀ ଗଣେଶ ପୂଜା । ଆଗକୁ ଆଗକୁ ବିଶ୍ୱକର୍ମା ପୂଜା , ଦୁର୍ଗା ପୂଜା, ଲକ୍ଷ୍ମୀ ପୂଜା , କାଳୀ ପୂଜା, କାର୍ତ୍ତିକେଶ୍ୱର ପୂଜା ଆଦି ବିଭିନ୍ନ ପର୍ବ ପାଇଁ ରାଜଧାନୀ ଉତ୍ସବମୁଖର ହେବା ସହିତ ବିଭିନ୍ନ କ୍ଲବ, ପୂଜାମଣ୍ଡପ, ଅନୁଷ୍ଠାନ ମଧ୍ୟରେ ପ୍ରତିଯୋଗିତା ଚାଲେ । ଏସବୁ ସଜ୍ଜ ସଜ୍ଜା ପାଇଁ ଅଧିକ ଅର୍ଥ ଆବଶ୍ୟକତା ଥିବାରୁ ଦୋକାନୀ, ବଡ଼ବଡ଼ ଅନୁଷ୍ଠାନ, ମଲ୍‌, ବସ୍‌, ଟ୍ରକ ମାଲିକଙ୍କଠାରୁ ଚାନ୍ଦା ଆଦାୟ କରାଯାଇଥାଏ। ଯଦି କେହି ଚାନ୍ଦା ନ ଦିଅନ୍ତି, ତାଙ୍କ ଉପରେ ବିଭିନ୍ନ ପ୍ରକାର ଜୁଲୁମ ବା ଧମକ ଚମକ ପ୍ରୟୋଗ କରାଯାଇଥାଏ ।

ଯଦି ଏଭଳି ଅଭିଯୋଗ କୌଣସି ଅନୁଷ୍ଠାନ କିମ୍ବା କ୍ଲବ ନାମରେ ଆସେ, ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୁଲିସ କମିସନର୍‌ ସତ୍ୟଜିତ ମହାନ୍ତି କହିଛନ୍ତି । ତେବେ ପୂଜାକୁ ଶାନ୍ତିଶୃଙ୍ଖଳାର ସହ ପାଳନ ପାଇଁ କମିସନରେଟ୍‌ ପୁଲିସ ଅଣ୍ଟା ଭିଡ଼ିଛି । ପୂଜା ସମୟରେ ଯେଭଳି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନ ହୁଏ, ସେଥିପାଇଁ ରାଜଧାନୀର ବିଭିନ୍ନ ଜନଗହଳି ସ୍ଥାନ, ଟ୍ରାଫିକ୍‌, ମନ୍ଦିର, ଚର୍ଚ୍ଚ ଆଦି ଧର୍ମାନୁଷ୍ଠାନରେ ବ୍ୟାପକ ପୁଲିସ ମୁତୟନ ପାଇଁ କମିସନରେଟ୍‌ ପୁଲିସ ଯୋଜନା କରିଛି। ଟ୍ରାଫିକ୍‌ ସମସ୍ୟା ନ ହେବା ପାଇଁ ପୂଜାମଣ୍ଡପ, କ୍ଲବଗୁଡ଼ିକ ପର୍ଯ୍ୟାପ୍ତ ସଂଖ୍ୟକ ସ୍ୱେଚ୍ଛାସେବୀଙ୍କୁ ନିୟୋଜିତ କରିବା ପାଇଁ କମିସନରେଟ୍‌ ପୁଲିସ ପକ୍ଷରୁ କୁହାଯାଇଛି ।

ପୂଜା ସମୟରେ ଉଚ୍ଚ ସାଉଣ୍ଡ, ମେଲୋଡି, ଆତସବାଜୀ କାର୍ଯ୍ୟକ୍ରମ, ଶୋଭାଯାତ୍ରା ଉପରେ କଟକଣା ଲଗାଯାଇଛି। ଆବସିକ ଅଞ୍ଚଳରେ ଉଚ୍ଚ ଶବ୍ଦରେ ମାଇକ୍‌ ବା ବକ୍ସ ନ ବଜାଇବା, ନିର୍ଦ୍ଦିଷ୍ଟ ସମୟରେ ମେଲୋଡି କାର୍ଯ୍ୟକ୍ରମ ବନ୍ଦ କରିବା ପାଇଁ କମିସନରେଟ୍‌ ପୁଲିସ ପକ୍ଷରୁ କୁହାଯାଇଛି। ଜନଗହଳିପୂର୍ଣ୍ଣ ସ୍ଥାନରେ ଆତସବାଜୀ କାର୍ଯ୍ୟକ୍ରମ ନକରିବା, ଅଧିକ ଶବ୍ଦ ବିଶିଷ୍ଟ ବାଣ ନ ଫୁଟାଇବା, ଶୋଭାଯାତ୍ରା ସମୟରେ ମାରଣାସ୍ତ୍ର ବ୍ୟବହାର ଆଦି ଉପରେ କମିସନରେଟ୍‌ ପୁଲିସ କଟକଣା ଲଗାଇଛି।

Click to comment

Leave a Reply

Your email address will not be published. Required fields are marked *

More in ଓଡିଶା