Connect with us
ମା ଦୁର୍ଗା ବରମୁଣ୍ଡା ପୂଜା ମଣ୍ଡପରେ ….
ମା ଦୁର୍ଗା ପୁନାମା ଗେଟ ପୂଜା ମଣ୍ଡପରେ ….
ରାଧା କୃଷ୍ଣ ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ଯମେଶ୍ୱର ପାଟଣା, ପୁରୁଣା ଭୁବନେଶ୍ୱର ପୂଜା ମଣ୍ଡପରେ ….
ମା ଦୁର୍ଗା ବଢେଇବାଙ୍କ ପୁରୁଣା ଭୁବନେଶ୍ୱର ପୂଜା ମଣ୍ଡପରେ …

ଓଡିଶା

ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ରାଜ୍ୟସ୍ତରୀୟ ଜୟନ୍ତୀ ପାଳିତ

ଉକ୍ରଳମଣି ପଣ୍ଡିତ ଗୋପବନ୍ଧୁ ଦାସଙ୍କ ରାଜ୍ୟସ୍ତରୀୟ ଜୟନ୍ତୀ ପାଳିତ

 ପଣ୍ଡିତ ଗୋପବନ୍ଧୁ ଦାସଙ୍କ ରାଜ୍ୟସ୍ତରୀୟ ଜୟନ୍ତୀ ପାଳିତ
ଗୋପବନ୍ଧୁ ଥିଲେ ଓଡ଼ିଶାରେ ନବଜାଗରଣର ସାର୍ଥକ ସୂତ୍ରଧର : ମନ୍ତ୍ରୀ ପ୍ରତାପ ଜେନା
ଭୁବନେଶ୍ୱର :- ସ୍ୱାଧୀନତା ସଂଗ୍ରାମ, ଶିକ୍ଷାପ୍ରସାର, ସମାଜସେବା, ସାମ୍ବାଦିକତା ଏବଂ ଭାଷା-ସାହିତ୍ୟ କ୍ଷେତ୍ରରେ ଉତ୍କଳମଣି ପଣ୍ଡିତ ଗୋପବନ୍ଧୁ ଥିଲେ ଅନନ୍ୟ । ଓଡ଼ିଶାରେ ନବଜାଗରଣର ସାର୍ଥକ ସୂତ୍ରଧର ଭାବରେ ଗୋପବନ୍ଧୁ ଚିରସ୍ମରଣୀୟ ରହିବେ ବୋଲି ସ୍ୱାସ୍ଥ୍ୟ, ପରିବାର କଲ୍ୟାଣ ତଥା ଆଇନ, ସୂଚନା ଓ ଲୋକସଂପର୍କ ମନ୍ତ୍ରୀ ଶ୍ରୀ ପ୍ରତାପ ଜେନା ମତପ୍ରକାଶ କରିଛନ୍ତି ।
ସୂଚନା ଓ ଲୋକସଂପର୍କ ବିଭାଗ ଅ।ନୁକୂଲ୍ୟରେ ମଙ୍ଗଳବାର ସନ୍ଧ୍ୟାରେ ସ୍ଥାନୀୟ ଜୟଦେବ ଭବନରେ ଅନୁଷ୍ଠିତ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ରାଜ୍ୟସ୍ତରୀୟ ଜୟନ୍ତୀ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଯୋଗଦେଇ ମନ୍ତ୍ରୀ ଶ୍ରୀ ଜେନା କହିଛନ୍ତି ଯେ ଥିଲେ ଓଡ଼ିଶାରେ ସ୍ୱାଧୀନତା ଅ।ନ୍ଦୋଳନର ଅନ୍ୟତମ ଭଗୀରଥ । ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ଅ।ନ୍ଦୋଳନ ଓ ଭାଷା ଅ।ନ୍ଦୋଳନରେ ତାଙ୍କ ଭୂମିକା ଅତୁଳନୀୟ ଥିଲା । ସତ୍ୟବାଦୀରେ ବନବିଦ୍ୟାଳୟ ପ୍ରତିଷ୍ଠାରେ ଶିକ୍ଷା ପ୍ରସାର ନିମନ୍ତେ ତାଙ୍କ ଅବଦାନ ସର୍ବଭାରତୀୟ ସ୍ତରରେ ଦୃଷ୍ଟାନ୍ତମୂଳକ ଥିଲା । ମୁଖ୍ୟମନ୍ତ୍ରୀ ଗୋପବନ୍ଧୁଙ୍କ ସାଧନାପୀଠ ସତ୍ୟବାଦୀରେ ଓଡ଼ିଅ। ବିଶ୍ୱବିଦ୍ୟାଳୟ ଭିତିପ୍ରସ୍ତର ସ୍ଥାପନ କରି ଅ।ଜି ଓଡ଼ିଶାବାସୀଙ୍କ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ବୋଲି ଶ୍ରୀ ଜେନା କହିଥିଲେ ।
ସତ୍ୟବାଦୀ ବିଧାୟକ ଶ୍ରୀ ଉମାକାନ୍ତ ସାମନ୍ତରାୟ ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ଯୋଗଦେଇ ଗୋପବନ୍ଧୁଙ୍କୁ ଜଣେ ମହାଭାରତୀୟ ଓ ମାନବବାଦୀ ଭାବରେ ଅଭିହିତ କରି ତାଙ୍କ ଓ ଅ।ଦର୍ଶର ପଟାନ୍ତର ନାହିଁ ବୋଲି ଉଲ୍ଲେଖ କରିଥିବାବେଳେ ମୁଖ୍ୟବକ୍ତା ଭାବରେ ଯୋଗଦେଇ ବିଶିଷ୍ଟ ଐତିହାସିକ ତଥା ଶିକ୍ଷାବିତ୍ ପ୍ରଫେସର ନିହାର ରଞ୍ଜନ ପଟ୍ଟନାୟକ ଓଡ଼ିଅ। ଜାତିର ଇତିହାସରେ ଗୋପବନ୍ଧୁଙ୍କ ଜୀବଦ୍ଦଶା ଏକ ମହିମାନ୍ୱିତ ଅଧ୍ୟାୟ ବୋଲି ପ୍ରକାଶ କରିଥିଲେ । ପ୍ରଫେସର ପଟ୍ଟନାୟକ କହିଲେ ଯେ ଗୋପବନ୍ଧୁ ଥିଲେ ଅ।ଦର୍ଶବାଦର ମୂର୍ତିମନ୍ତ ପ୍ରତୀକ । ମାତୃଭୂମିର ସଂସ୍କୃତି ଥିଲା ତାଙ୍କର ଅ।ଦର୍ଶ । ସେ ଓ ତାଙ୍କ ସହଯୋଗୀମାନଙ୍କ ରଚନାକୁ ପାଥେୟ କରି ଓଡ଼ିଅ। ସାହିତ୍ୟରେ ସତ୍ୟବାଦୀ ଯୁଗ ପ୍ରତିଷ୍ଠିତ ହେଲା ବୋଲି ସେ କହିଥିଲେ ।
ଏହି ଅବସରରେ ବିଭାଗ ପକ୍ଷରୁ ବିଦ୍ୟାଳୟ ଓ ମହାବିଦ୍ୟାଳୟ ସ୍ତରୀୟ ପ୍ରବନ୍ଧ ଓ ବକ୍ତୃତା ପ୍ରତିଯୋଗିତାର କୃତୀ ଛାତ୍ରଛାତ୍ରୀଙ୍କୁ ପରସ୍କାର ପ୍ରଦାନ କରାଯାଇଥିଲା । ସୂଚନା ଓ ଲୋକସଂପର୍କ ବିଭାଗ ଅତିରିକ୍ତ ନିର୍ଦ୍ଦେଶକ ଶ୍ରୀ ନିରଞ୍ଜନ ସେଠୀ ଧନ୍ୟବାଦ କରିଥିବାବେଳେ ସୂଚନା ଅଧିକାରୀ ଶ୍ରୀମତୀ ଦୀପ୍ତିମୟୀ ମହାପାତ୍ର କାର୍ଯ୍ୟକ୍ରମ ସଂଯୋଜନା କରିଥିଲେ ।
“ସୁର୍ ଭାଇବ୍ରେସନ୍’ ଅନୁଷ୍ଠାନର କଣ୍ଠଶିଳ୍ପୀ ଜୟଶ୍ରୀ ଧଳ, ପ୍ରଦୀପ ଦାସ, ରୀତୁପର୍ଣ୍ଣା ମହାରଣା, ସନ୍ତୋଷ କୁମାର
ପରିଡ଼ା, ଜୟଶ୍ରୀ ଧଳ ଓ ହୃଦାନନ୍ଦ ପ୍ରଧାନଙ୍କ ଦ୍ୱାରା ଭଜନ ଏବଂ ଗୋପବନ୍ଧୁଙ୍କ ରଚିତ “ମିଶୁ ମୋର ଦେହ…’
ପରିବେଷଣ କରାଯାଇଥିଲା ।
ଏହା ପୂର୍ବରୁ ପୂର୍ବାହ୍ନରେ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସ୍ଥାନୀୟ ଗୋପବନ୍ଧୁ ଛକସ୍ଥିତ ଉତ୍କଳମଣିଙ୍କ ପ୍ରତିମୂର୍ତିରେ ଅତିରିକ୍ତ ନିର୍ଦ୍ଦେଶକ ଶ୍ରୀ ନିରଂଜନ ସେଠୀ ଓ ଉପନିର୍ଦ୍ଦେଶକ ଶ୍ରୀ ବିପିନ ବିହାରୀ ବାରିକିଙ୍କ ସମେତ ବିଶିଷ୍ଟ ବ୍ୟକ୍ତିବୃନ୍ଦ ଶ୍ରଦ୍ଧାସୁମନ ଅର୍ପଣ କରିଥିଲେ ।

Click to comment

Leave a Reply

Your email address will not be published. Required fields are marked *

More in ଓଡିଶା